араб, сущ., шиир; -ди, -да; -ар, -ри, -ра. бедендин кьецӀилвал кӀевун ва я чими хьун патал алукӀдай затӀ(ар). Атана Хурхур пачагьдин кӀвалив агакьна, ацукьна тӀуьнар-хъунар ийизвайла, Хурхур Агъмед вичел алай либасрилай вил аладариз жеда. Ф. Хурхур Агьмед. Аман гьукуматдин дирек, АлукӀ либас къара, юлдаш. С. С. Я кьван карвансара... Руша гьар бенд лагьайла, чӀулав либас алай дишегьлияр, угьуяр акъатиз, мет-кьил гатаз, шехьзава. Гь. Къ. Магьини Дилбер. Синоним: партал.