сущ.; -а, -а; -ар, -ри, -ра къушар цавай, гьашаратар, балугъар цяй фин арадиз гъизвай абурун беденрин пай. Исятда туртурри чпин кьеженвай шарагар луварик кьун хъувуна... Къ. М. Лезги къавахар.
* лув гун гл., куь лувар югъуруналди цавай, цяй фин. Гьар йисуз чуьхверар дигмиш жедайла, иниз керекулри лув гудай ва емишриз кӀуфар ядай. А. Р. Чинебан савкьват. Нагагь вечре лув гайитӀа, лекьре хьиз, Амукьда вун гьейран хьана, аял хьиз. А. Ал. Цавун чини... Зун Межнумаз тай жеда гьа! Пагь, кьуш хьана лув гуз кӀандай. Ш. Къ, Алагуьзли.
* лувак хьун гл. вуж нин са нин ятӀани кьаюмвилик хьун.
* лувар кутун гл., ни ник са вуч ятӀани ийидай ашкъи кутун, ашкъиламишун. Печатей шаирдик лувар кутуна. А. С. Хуьруьг Тагьир. Куьрелди... Гьамиша тупӀал шаир тир Бакъарей Бакъураян меслятри жегьил шаиррик гагь лувар кутадай, гагьни абур хкуддай. 3. Гергерви. Бакъарей Бакъураякай нагъил.
* луван ничхирар сущ. цавай лув гана фидай ничхирар. И тумуникай цуьквер, тарар экъечӀна, луван ничхирар, гъуьрчер хьана. Ф. Б. Миф.