араб, сущ.; -ди, -да; -ар, -ри, -ра 1) кар кьилиз акъудун патал авай вахт. Кьве чин акьалтнамаз вичал, Ришвет къачуз, тагуз мажал... С. С. Девлетлуяр, чиновникар. - СакӀани мажал хьанач. За исятда гьазурда, ТӀимил кьван сабур хъия? А. И. Самур. Бязи вахтара кӀвалахрин гьиляй хайи ватандал кьил чӀугвадай мажал жагъин тийиз хейлин йисар физва. ЛГ, 1996, 21. VӀ. Захь гьуьлуьз фидай мажал авани, чан вах? Инал къав гьалдай тевле алама, куьра хадай кал ава, анал кьуьртӀуь верчериз какаяр кутуна кӀанзава... С. Муслимов. ЦицӀигъ-наме. 2) азад вахт. Мажал авачирвиляй яни, вуч ятӀа, гьар сад вич-вичиз тир; дуьз лагьайтӀа, мажалар жедай вахтни тушир. А. А. Умуд. Гьаятдавай тӀанурдиз Авач къе мажал, Фу чразва гъуьруькай Тамам са шишал. А. С. Хцихъ галаз ихтилат. Виш Сочиди и там звез ийидач. Мажалар хьайила, са кьил чӀугваз ая. З. Гь. Ахварай авудай аваз.
* ажалдиз мажал авач.
* мажал вугун гл., ни-куь нив тайин са кар кьилиз акъуддай вахт хьурун. Акьуллудаз тагуз мажал Кьилди са дуван ийида. С. С. Гьарда вичикай са дуван ийида. - Къайитмаза, вичин хьар хьтин ахъа сивик мили Хъвер кваз рахаз, Собирав мажал вугудачир. З. Э. Рекьер сад туш.