араб, сущ.; -ди, -да; -ар, -ри, -ра 1) мукьвавилин, кӀанивилин гьисс. «Адаз зун кӀанзава!» - инанмиш яз лугьузвай за. Къе заз адан гьар са Гьерекатдай ада заз ийизвай майил аквазвай. А. Къ. Нехирбанни лекь. ХупӀ туширни зун тиртӀа чил, Вафасузбур кьадачир за, Хаинвилиз авай майил, Касни чилел тадачир за. Ш. Агьакеримов. ХупӀ туширни. 2) алакъа. Кьуьзуь инсанриз чи патара тежедай къариб емишар гун аясайиб адет тир. Идалди савкьват ракъурзавайда, гузвайда вичи гьуьрмет ийизвай касдихъ авай майил кьетӀенди тирди къалурзавай. М. В. Гьарасатдин майдандал, ПӀапӀрус чӀугваз жгьил чӀавалай, гьеле Бакудин нафтӀадин мяденра тартачивал ийидайла, вердиш хьанайтӀани, амма тенбекдиз ада ийидай майил масад тир. Ж. Байрамалиев. КӀарасдин тӀурар. 3) (чӀехи гьарфуналди - М) эркекдин хас тӀвар: Майил.
* майил авун гл., ни низ сада масадаз вичин патай хийирлу гьиссер авайди къалурун. - Хуьруьнви, Дуьньядин адетар ваз тийижир кар авач. Мухлисатни агакьнава. За ваз ачухдиз лугьуда, зи Керимани адаз майил ийизвайди хьиз аквазва заз. Чун къуткъавум хьайитӀа, ваз гьикӀ аквада? З. Э. Муьгьуьббатдин цӀелхем. Нина Ивановнади кьуьл авуник хев кутунач. Амма заз адахъ галаз кьуьл ийиз иллаки кӀанзавай. Вучиз лагьайтӀа за межлис кьиле тухузвайтӀани, ада эркекриз пис майил вучиз ийизвайди тир жал, лугьуз фикир ийизвай. А. М. Мурк ракъини цӀурурда. За абурухъ ийизвай майилар захъди са шумуд сеферда артух хьана хквезвай. А. Къ. Нехирбанни лекь. Ина я и патаз, я а патаз мейил тийизвай, иллаки са фикирдал алачир хизанарни авай. Гь. М. Им къван, имни терез.