араб, сущ.; -ди, -да; -ар, -ри, -ра 1) затӀ акъудиниз, гьасил авуниз лазим. вири затӀар. Дуьньядин сад лагьай империалист дяведин ва граждан дяведин йисара Дагьустандин зегьметчияр майишат чкӀана гзаф еке дарвиле гьатнавай. З. Э. ЧӀехи шаир. Райондин майишатар барбатӀ хьана. М. М. Лезги тӀвар алатӀа 2) затӀар гьасилунин, акъудунин са хел; сад хьтин затӀар гьасилунин хел. Ам хуьре тухуз'вай кӀвалахрик ва хуьруьн майишат социалист къайдайрал туькӀуьр хъувунин кардик активдаказ экечӀнавай кӀвенкӀвечийрикай сад тиртӀани, халкьдиз ам мухбир тирди чидачир. А. Ф. Газет. Эслидихъ кӀвалин къушарин чешнедин майишат авай. З. Э. Муькъвел гелер.... ана неинки сар твадай, чӀемер хкуддай, гьакӀ багъларинни бахчайрин емишар кӀватӀ хъийидай, мурабаяр, чехирар гьазурдай майишатарни жеда. Гь. М. Им. къван, имни терез.... жемятдин арада вичиз лайихлу гьуьрмет, машгьурвал къени къилихралдини яргъал йисара хуьруьн майишатдин рекье чӀугур гьакъисагъ зегьметдалди къазанмишна. Д. Шерифалиев. Цавай аватна, гъиле гьатдач. 3) зегьмет чӀугвадай алатар, малар, чилер ва мсб галаз санал хуьруьн майишатдин макан, Вуна, Келбяли, чӀурукӀа фикирмир. Заз ви кӀаникай яд ракъуриз кӀанзавач. Ваз майишатни хъсандиз чизва, инсанарни... Абур вавай кьилени тухуз жезва. Б. Гь. Заз эвера. Садра за... урусрин чӀехи историк ва журналист В. Л. Величкоди лезгийрикай кхьей гафарни тикрарна: «Лезги тайифайрихъ хуьруьн майишат вилик тухудай чӀехи агалкьунар ава...» М. М. Лезги тӀвар алатӀа. Алудзавай буржар, майишатранн кархапайра тухузвай кӀвалахар са акьван виле аквадай адет туш. ЛГ, 1999, 1.1V. 4) кар кеспи, инсан машгъул тир кар; пеше. Савдагардиз ва адан папаз майишатда са гачач гадади куьмек гузвай. Ф. Савдагардин папаши фекьидин кьиса....