араб, сущ.; - ди, -да; -яр, -йри, -йра са чкадин, тӀебиатдин винел патан акунар, шикил. Мертебадиз лугьуз «этаж;», Мензерадиз лугьуз «пейзаж»... алимдин гъил гьа кӀанивал къекъвез ава, гьар гафуниз эвез ава. И. Гь. Лезгиурус словардикай.... шаирдин чалара кьакьан дагъларин, рагарин, тӀебиатдин суьретар, мензераяр гунихъ галаз санал лезги чилин тайин чкайрин, вацӀарин, кукӀушрин, шегьеррин. хуьрерин, халкьдин Кьуьлерин, манийрин, махарик квай игитрин тӀварар гьаптунни дуьшуьшдин кар туш. Р. Исаев. Алирза Саидован яратмишунра хайи чилин къамат. Инлай аквазвай мензерадихъ галаз зун вердиш хьанвачир, я завай икьван зурба шикил садлагьана. жуван рикӀиз, руьгьдиз, бедендиз кужумни ийиз алакьдачир, вучиз лагьайтӀа са чка акурла, муькуь чка рикӀилай фидайвал тир. М. В. Гьарасатдин майдандал. Кьуд пад баябан, къумлух мензеради кьил мадни гижи ийизвай. А. Къ. Аскервал башламишай югъ. Синоним: пейзаж.