прил. менфят авай, менфят гудай. Адан сес гилани зи япара ама: «Чаз и аялар хвена чӀехи ийиз, абуруз тербия, образование гуз ва абурукай общество патал менфятлу инсамар ийиз кӀанзава. З. Э. Зун гъавурда акьазвач. И кардини дуьзгуьн, менфятлу къарар кьабулуниз манийвал гузвай. А. Шагьмарданов. Майишатдиз регьбервал гуникай веревирдер. Синоним: хийирлу. Антоним: менфятсуз.
* менфятлу хьун гл., вуж-вуч менфят авай, менфят гудай гьалда хьун. Чина нехв гатфарин къуьлелай гзаф менфятлу я. З. Э. Муькъвел гелер. Шиирар кхьинин кьетӀенвилер ( ритм, рифма ва масабур ) чирунин кар хъсанарун патал СтӀал Сулейманан, Хуьруьг Тагъиран произведенияр гзаф кӀелун, абурулай чешне къачун менфятлу жеда. А. С. Жегьил шаиррин яратмишунин бязи месэлайрикай. А. Ашурбегова гьа и собранидал ва гуьгъуьнай партиядин райкомда ихьтин собранияр райондин вири майишатрин зегьметчи коллективра тухун лазим тирди ва гьа и собранийрал бригадирарни колхозчийри чпи хкягъун менфятлу жериди лагьанай. А. Шагьмарданов. Майишатдиз регьбервал гуникай веревирдер.