араб, сущ.; - ди, -да; -яр, -йри, -йра 1) фикирар кардик кутуна ва гьисабунар кьуна гьалун истемишзавай кӀвалах. КӀвализ гайи месэлаяр, мисалар Садра кьванни гьалайди туш Мурсала. Адан натав оцукьнавай Гуьзела гьалда вичи гьар са мисал, месэла. Ш-Э. М. Мурсални месэлаяр. 2 ) вич ахтармишун, веревирд авун ва гьялун истемишзавай кар. - Юлдаш Гьуьсейнов, -лагьана эхирни Гьажиева сабурдивди, - эгер вун собранидин йикъан месэлайрал рази туштӀа, ваз ихтияр ава, собрание эверайла лугьуз... А. А. Умуд. Районэгьлияр тӀебии газдалди таъминарун за зун патал важиблу ва сад лагьай дережадин месэла яз эцигна. ЛГ, 1999, 1. ӀV. Художественный устадвал хкажун - им писателвилин кӀвалахда лап чарасуз ва лап четин месэла я. А. С. Жегьил шаирриа яратмишунин бязи месэлайрикай. Милли эдебиятда кӀвалахзавай писателрин художественный чӀалаз талукь месэлайрикай макъалаяр чапдайла, писателри чӀал девлетлу авуникай рахадайла, профессорар тир Ражидин Гьайдарова, Агьмедуллагь Гуьлмегьамедова къиметлу теклифар гузва, чӀалан патахъай абуру чӀугвазвай къайгъударвал аквазва ва журналдихь галаз, гьа виликдай хьиз, дуствилин алакъаяр гележегдани давамардайдахъ чун инанмиш я. Ж. Лезги эдебиятдин гуьзгуь..
* месэла гьялун гл., ни 1) илим (математика, физика, химия ва мсб) чирун патал кӀелзавпайбуруз гудай тапшуругъ. - Месэладин амай кьатӀкӀвале гьял хъия, - лагьана ада сабурсуз ванцелди ва вич, геле къекъвезвай кас хьиз, тадиз классдай экъечӀна. А. А, Умуд. 2) къарар кьабулун. Колхоздин правлениди гатфарин кӀвалахрин месэла гьял шиз башламишна. З. Э. Муькъвел гелер. Махсудаз эверна. Адан месэла исполкомдин заседаниедал гьял авуна. З. Э. Муькъвел гелер. Магъледин вири месэлаяр агъсакъалри гьа и кимел гьялдай. ЛГ, 2003, 4. ХӀ 1.
* месэла къарагъарун гл., ни важиблу кардал масадбурун фикир желб авун. Вирида пудкъанни цӀуд йисан къене чпин халкьдин кьилел атай гьахъсузвилерикай мукьвал-мукьвал кхьизва. Амма лезгийри и месэлаяр лазим тирвал къарагъарзавач. М. М. Хайи чилиз икрамда. - Агъа! АкӀ ятӀа месэла цӀийиз къарагъ хъувун лазим я, - жаваб гана Махсуда. З. Э. Муькъвел гелер.