' прил. 1) инсандин са бубадилай, са хизандай тирвилин талукьвилерал бинелу. Абуру Сефижат халадиз чпин лап мукьва, касдиз гъуьлуьз атун теклифна. С. Муслимов. ЦицӀигъ-наме. Антоним: чара. 2) са фикиррал алай. - ШартӀар са-сад лагь кван, гьуьрметлу князь, абурухъ зи лап мукьва шпимрини яб акалрай, - лагьана Надира. З. Р. Гьажи Давуд. 3) яргъа тушир, яргъал тушир мензил. Адаз яб гуз, вири халкьар гьейран авур береда, Шарвилидин макандиз мукьва, гурлу вацӀ авахьзавай векъи къванцин дереда за жуван нагъилдин гьа и къатӀ кхьена... 3. Гергерви. Бакъарей Бакъуракай нагъил. Антоним: яргъа.
* мукьва авун гл. 1) сад-садан патав агудун. 2) сад авун. Аквазвани ваз, Аллагьди чи мурадар гьикӀ сад садаз мукьва ийизватӀа? З. Р. Гьажи Давуд. 3) яргъал вегьин тавун, геж тавун.
* мукьва вахтара нар. 1) са кардилай кьулухъ тӀимил вахтунда. 2) са тӀимил вахтунда инлай кьулухъ.
* мукьва-кьили сущ. дидедин ва я бубадин патай мукьва кас. Мукьва-кьилийри, ярар-дустари, гьерер, гъуьр, дуьгуь-шекер ва парча-тике гьана, вирида къуьн кутунвай мехъер гьакьван гьайбатлу тир. З. Э Муькъвел гелер. Атай хъсан шейэр ракӀарихъай ярар-дустариз мукьва-кьилийриз гана тада. И. В. Чирхчир. АлатӀа вал лезги, тӀвар, На жуван чӀал квадармир, Къуллугъ чӀехи жезамаз, Мукьва-кьили квадармир. М. А. Лезги намус квадармир. Хтул армиядиз физва лагьай ван хьайила, мукьва-кьилийрилай башламишна, чи кӀвализ цен ценцик хкӀур тавурбурни атана акъатна. Р. Меликова. Садбур - дуьадал, масадбур - межлисдик.
* мукьва-кьиливал сущ. дидедин ва я бубадин патай са тухумдиз талукьвал. Белки гьабурунни рагълах яадкъарин араба мукьва-кьиливал аватӀа? А. А. Пад хьайи рагъ. Як пайзавайбуру вуч ийизватӀа, ахтармишзавач. Гьукумдарар элкъвена къавумар я. ЧӀехи къуллугъарни пайзава, чпин арада мукьва- кьиливални жанлу ийизва. Н. И. Гьакимрик папар,
* мукьва хьун гл., вуж-вуч нив-квев вуж-вуч ятӀани авай, алай чкадив агат хьун. Чпин ватандиз мукьва жердавай чӀехи стхайрин пехилвал артух жезвай. Ф. Пеленг инсандиз" мукьва хьана. Ашдив жеда пара мукьва, ийиз гьерекат, фекьияр. С. С. Фекьияр. Хуьруьз мукьва жердавай Суваран гьал дегиш жез башламишна. А. Н. Самур. Къармукъ бармак са патаз чӀугуна, кьелечӀ, лацу валчагъдин ценер галтадриз, рекӀв-рекӀвзавай хромрив жакъракьар ийиз таз, ам атана Велиметаз мукьва хьана. М. В. Гьарасатдин майдандал.