нар. 1) патавай, мукьвал чкадай. Ламран мукьувай фимир. Ф. Б ирдан лап мукьувай векьин марке акуна. Б. Гь. РикӀи чӀугурла. 2 ) дерин фикир гана. Са гзаф йисара сифтедай Дербентда, ахпа Генжеда, гуьгъуьнлайни Бакуда, азербайжанрин арада кӀвалахиз яшамиш хьунин нетижада, абурун чӀал хъсандиз чир хьунилай гъейри, Сулейман азербайжан халкьдин кулътурадихъ, фольклордихъ, Ашукьрин манийрихь ва искусстводихъ галаз мукьувай таниш хьана. М. М. Гь. (СтӀал Сулеймана азербайжан чӀалал туькӀуьрай шиирар. «Язычи» издтельстводи лезги чӀалал ктабар гьазурдай редакциядин кӀвалахар зал тапшурмишайла, за мукьувай лезгийрин игътияжар ахтармишиз башламишна. М. М. Виш йисарин имтигьан. Къафлан Гиреяз ам мукьувай чидайбуру бахтсуз Къафланни лугьузва. З. Р. Гьажи Давуд. Синонимар: рикӀивай, мукьуфдивди.
* мукьувай чир хьун гл., низ вуж-вуч хъсандиз чир хьун. Са ни ятӀани вокзалдин Махачкаладиз физвай Хуьруьг Тагьир ацукьнава лагьана, Чаз ам мукьувай чидайди тушир. ЛГ, 1992, 31. Х. Абур вири са чӀалал, тӀебиатдин таъсирлу, сирлу чӀалал рахазва. И чӀал чир хьайила, вун маса инсандин, амни ви гъавурда акьада. Квез куьн лап мукьувай чир жеда. Куьн квез, багърибур хьиз, багьа жеда. М. В. Гьарасатдин майдандал. И хабарди ам мукьувай чизвай ксар пелешарна. ЛГ, 2004, 8.Ӏ.