прил. намус авай, жуван намус хуьдай. Вичин ашкъидин шиирра ада дишегьли вафалу, намуслу, винихъ галаз дерди-гьал ийиэ жедай дуст яз къалурзава. М. М. Гь. Сифте гафунин чкадал, 1948. Гьи кас маса къачуз жедачтӀа, Сурхая, агъзур уюн акъудна, намуслу касдин кьилел са завал гъизва. Къ. М. Дагъларин деринрин булахар. Винел гиф гуьрчег я лугьуз гьар куьниз хъсан лугьумир, Вичин гъейрат маса гайдаз, намуслу инсан лугьумир. З. Р. Лугьумир. Гъатта сатирадин шииррани шаирди намуслу зегьметдин тарифзава, намуссуз зегьметдин эхирпехир жедайди лугьузва, саймаз гьалда чӀугвазвай зегьметдал ам хъуьрезва. А. Гьажимурадов. Зегьметдин ашукь. Куьз я а-ярни бе-яр? Зун муаллим тиртӀа, за сифтени- сифте рушариз намуслу дишегьлияр жез, гадайриз намуслу итимар жез чирдай. З. Къ. ШейтӀандин... Синонимар: гъейратлу, гьакъисагъ, къанажагълу. Антоним: гъейратсуз, намуссуз.
* намуслу хьун гл., вуж намус хас тирди хьун. Дишегьли алдатмишун регьят кар я, - ада итимдал ихтибарда, инсандин гьиссериз лап еке къимет гуда, адаз вири намуслу хьана кӀан жеда. З. Гь. Уьмуьрдин сирнав. Жув къарагъай хур гьамиша керчек я, Инсанриз хьиз, манийризни виринра Эхирдалди намуслу хьун герек я... М. Б. Манидиз буйрутъ. Синонимар: гъейратлу хьун, къанажагълу хьун. Антоним: гъейратсуз хьун, намуссуз хьун.