фарс, прил. азарлу. Начагъ юкъуз аватда вун къиметдай. И. Ш. Кьудар. Цифедикай хкатда рагъ, Начагъ инсан хъижеда сагъ. Ш-Э. М. Агь, Жегьилвал. Уьлкведин президент ахлакь кас ята, Адаз сесер гайи халкьар начагъ я. И. Ш. Кьудар. Синонимар: сагъсуз, нахуш. Антоним: кӀубан, сагъ.
* начагъ хьун гл., вуж-вуч сагъ тушир гьалдиз атун. КичӀе жемир ваз, начагъзавай дуст, Сагъ хъижеда вун, алач инал шак. А. С. Хцихъ галаз ихтилат. Са сеферда Абас начагъ хьана, рекьидай чкадал атайла, ясин кӀелун патал хуьряй ам кӀелдайдаз эвердайвал хьана. С. Муслимов. ЦицӀигъ наме.... Агъакерим начагъ хьана, жегьилзамаз рагьметдиз фена. К, 1991, 17.Ӏ. ГьикӀ ятӀани садра и Шагь Абас начагъ жеда. Р. Гь. Шагь Абасакай риваят. Тухдалди я фу авачиз, я партал гвачиз, мекьи хъуьтӀуьн шартӀара гзафбур фад начагъ жезвай. ЛГ. 2003, 25. ХӀӀ. Синонимар: сагъсуз хьун, нахуш хьун. Антоним: кӀубан хьун, сагъ хьун.