араб, сущ.; -ди, -да; -яр, -йри,. -йра тамамардай кӀвалахдикай хкатзавай эхирдин мана, хийир, кьадар. И вацӀуд юкъуз вичиз гьикьван четин хьанатӀани ( аялрин гъалатӀар гьисабун чуьруьк кӀвалах я эхир ), кардин нетижа малум хьайила, адан рикӀелай вири четинвилер алатнава... А. А. Умуд. Республикадин ракьун рекьерин работникрин са дестедиз 2000 - йисан нетижайрай. виниз тир наградаяр гана. ЛГ, 2001, 15.ӀӀ. И референдумдин нетижайри чун секинарнач, гена рикӀ тӀарна. Н. Шихнабиев. Референдум.
* нетижа хкудун гл., ни квекай къейд авун, менфятлу фикир хкудун.
* нетижа кьун гл., ни 1 хийир гьисабна куьтягьун. 2) къейд, эхирдин куьруь фикир.