сущ.; -ди, -да; -ар, -ри, -ра 1) гьяркьуь, яргъи пешер жедай чилин набатат. Мерзията къапар чуьхвена патав гвай паркьулрал эцигна. 3. Э. Булахдал. Ахпа а патал хьиз, паркьулрин арадиз аста камар къачуна... А. Исм. Вацран мичӀер. 2) куьч. акьулдиз зайиф, вичикай масадаз хийир тежедай инсан. Ахпа ада лугьузвай - а паркьул и дуьньядани эхиратдапи заз гъуьл хьун бес инсаф яни? З. Э. Муьгьуьббатдин цӀелхем. ХьайитӀа тахтуна паркьул, АтӀуда ахварар михьиз. А. Ал. Бейнидал хумул.