сущ.; -или, -иле; -илер, -илери, -илера пашман тир гьал. И карди Лаламабурун кӀвалени пашманвал туна. А. И. Самур. Са чӀаварин дуьз араяряд жеда: Зун шад тирла, вун пашман я, пашманвал Агатун зав багьна - вун шад жеда. И. Гь. Рубаияр. Алудиз кӀанз ви пашманвал, Ви яманвал, ви яванвал, Агакьариз зи дарман вал, Ийизва за ваз иманвал... М. Ж. Машмаш тарак. Материалдикай ахьтин суьрет туькӀуьрна кӀанда хьи, герек а скульптура вич рахазваз жен. Адаз тамашзавай касдиз адан характер, адак квай шадвал, пашманвал, ажугъ, рикӀин мурад, ада чӀугвазвай женг акван. З. Э. Скульптор. Синоним: перишанвал, сефилвал. Антоним: шадвал.
* пашманвал авун | чӀугун | гл., ни пашманвал хас тир гьалда хьун. Етимдин кьил гьатна бирдан кьарада, - Гуьгьуьл хайда бес пашманвал идачни? Е. Э. Аман. яр. - Гьахьтин имансуз итимдихъ галаз къавум хьунин пашманвал за гила чӀугвазва. З. Р. Гьажи Давуд.