нар. 1) пис гьалда. - Куьн пис дуланмиш жезва, тушни? Къужадай дериндай агь акъатна, чин захъ элкьуьрна. - Пис дуланмиш тахьана за вучда кьван, за инрай къазанмишай са вад кьарни, жанавурди тӀуьрди зи кӀвачиз гьисабна, азарди кьейиди зи кӀвачиз гьисабна лугьуз иесийри тан хъийизва., А. Ф. Лянет. Чир хьухь: ви абур, ви ахлакь вав эгечӀунилай аслу я. Пис эгечда вав - писдиз аквада вун, ви хъсан жигьетарни, акунарни квахьда, хъсандиз эгечӀда вав - ви чина ранг, нур жеда. Р. Гь. Шагь Абасакай риваят. Къуллугъ я, къуллугъ вуна, лугьун хьи, писдиз кьилени тухузвач. Амма писдиз тухун тавун тӀимил я, хъсандиз тухвана кӀанда. И. Гь. Юг. Валлагь рушар, зун кинодиз пис акъатна. Косынка са патал хьанвайди куьне садани заз лагьанач. А. Р., Я. Я. Хендедадин мехъер. Амма директорди, управляющийди ва бригадирди мал иесидив са жазани тагана вахгузва. Чеб хъсан, зун пис къалурзава. Гь. Къ. Къурухчи. 2) вини дережада. Бейдуллагьди вичин цицӀибдин хайи кӀвач, дарман яна, кутӀунна. Ам сагъ хъхьанатӀани, цицӀибдикай хьайи фереди пис кьецӀи ийизвай. С. Муслимов. ЦицӀигъ-наме. Синонимар: писдиз, нисдаказ. Антонимар: хъсан, хъсандаказ. хъсандиз. хъсанз.
* пис-хъсан Заманда ин ужуз, масан Чазни чида чи пис-хъсан. С. С.