сущ.; -или, -иле; -илер, -илери. -илера регъуь тир гьалдин гьисс. Ахпа бирдан адан ири, къуватлу чина регъуьвал гьатна. А. А. Умуд. Туракь варз и береда акьван гуьзел я хьи, на лугьуди, ам иниз сифте гуьруьшдиз атанва: адан суьрет гуьрчегариз регъуьвилин яр къикъифзава, ам фагьумлу ва сабурлуни я. М. В. Гьарасатдин майдандал. Адав гвай регъуьвилер акваз, таяр-туьшери ам зарафатриз вегьедай. ЛГ, 2002, 15. V. Антоним: регъуьсузвал.
* регъуьвал авун гл., ни никай-квекай регъуь тир гьисс(ер) авай гьалдиз атун. Лагь ваз и кӀвалерай вуч кӀандатӀа, буюр, регъуьвал ийимир. Вун патал заз са затӀни гьайиф къведач. С. Муслимов. ЦицӀигъ-наме. Синоним: регъуьвалун.