сущ.; -или, -иле; -илер, -илери, -илера регьбер тир гьал. Закон тирвал кӀвалах ийир Регьбервилиз къурбан я зун. Ш. Садихов. Я дуст кас. Халил Назирович Саратовдин гьавадин Флотдин училищедиз гьахьна. Ина адал офицеррин кӀвалин художественный самодеятельностдин коллективдин регьбервал ихтибарна. А. Гьажимурадов. Чи рикӀ алай композитор.
* регьбервал авун |гун | гл., ни низ-квез са кар кьилиз акъуддай рекьер къалурун. Шекидилай башламишна ЦӀахур къеледал кьван авай вири магьалрин агьалияр кӀвачел къарагънавай ва абуруз гила Сурхай хандин хва Мегьамеда регьбервал ийизвай. З. Р. Гьажи Давуд. М. Багъирова Азербайжандиз регьбервал авур йисара республикада авай кьадардал тӀимил халкьар, гьакӀни лезгияр ассимиляция авунин макьсад вичин вилик эцигна. М. М. Лацу лекеяр. За жуван везифаяр давамарна. Хуьруьн мектебдиз хьиз, колхоздизни, жегьилрин тешкилдизни регьбервал гана. ЛГ, 2003, 25. XӀӀ. За агьалийриз къуллугъдай хиле начальниквиле ва регьбервал гудай маса кӀвалахар ийиз 40 йис я. Х. Ш. Гъилер - къизилдин, крар - заргардин. Синоним: регьбервалун.