араб, сущ.; -ди, -да; -ар, -ри, -ра Аллагьдилай, адан пайгъамбардилай разивилин гаф(ар). Кимел алайбурукай гзафбуру салават гана: «Я Сад Аллагь, чун хътин ви ажуз бендеяр къаза-баладикай жува хуьх!» - ялвармишиз эгечӀна. А. И. Самур, - Аллагьди бала гайи фасад! - лагьана Гьажимурсал гьарай акъатна тадиз салават гьана теспягьар чӀугваз эгечӀна. А. И. Самур. Зикирар ийиз-ийиз абур ЧӀехи пӀирел агакьна. Фекьиди салават гьана. Вирида дуьаяр кӀелна, Аллагьдивай марф тӀалабна. С. Ярагъви ашукь Уьзден. Синоним: дуьа.