араб, сущ.; -ди, -да; -яр, -йри, -йра 1) театрда артистар чпин ролра къугъвазвай, артистри манияр ядай, докладар ийидайбур жедай чка. - Гуьлжегьредин роль нив жеда? - Жузуна Секината. Килиг, битӀашан рушав вугумир гьа! Ам сегьнедиз экьечӀзамазди. А. А. Умуд. За манияр сегьнейра, межлисра, халкьдин гуьзел гьавайрив лугьузва. Зун бахтлувилин ашкъиди сархуш авунва! Къ. М. Экуь инсан. Доклад ийиз сегьнедалла - вуж лугьун за? - кьукь; Лугьузва, бес, арифдардин весияр кьилиз Акъатнава: кьве гъил хурал эцигна ацукь. И. Гь. Рубаияр. Адаз Кремлдин чӀехи сегьнейрилай манияр лугьун къисмет хьана, агъзурралди инсанри, кӀвачел къарагъна, адаз гурлу капар яна. 1967 - йисуз Рагьимат Гьажиева Россиядин Федерациядин халкьдин артистка лагьай виниз тир тӀварцӀиз лайихлу хьана. ЛГ, 2004, 15. VӀӀ. 2) театрда къугъвазвай пьесадай са кӀус. Ахпа 7-классдин ученик Шабанов Сайдума ва 5-классдин ученик Къазимегъамедов Алияра тамамарай беларусь халкьдин «Фу» сегьне залда авайбуруз пара бегенмиш хьана. ЛГ, 2004, 6. V. 3) сад-садахъ галаз алакъада авай гъвечӀи вахтунда кьиле физвай гьерекатар, кӀвалахар. Ам пакад юкъуз мад атанай. Мад гьа са сегьне тикрар хъхьана. Гьа икӀ са шумуд юкъуз. З. Гь. Ахварай авудай аваз.