* субут авун гл., ни вуч са гьихьтин ятӀани фикир гьахълуди тирди ва я туширди тестикь авун. Амма, лугьун лазим я хьи, фарс ( яни иранрин ) чӀалал гьалтайла, и малуматар ери-бине авачир, субут ийиз тежербур я, ва чи фикирдалди, ягъалмишвилин нетижада арадиз акъатайбур я. М. М. Гь. СтӀал Сулеймана азербайжан чӀалал туькӀуьрай шиирар.
* субут хьун гл., вуч са гьихьтин ятӀани фикир гьахълуди тирди къалуриз хьун. Садбуру ам \[Етим Эмин. - А. Г.\] ва адан бубаяр Ахцегъ райондин Ялцугърин хуьряй хьунухь къалуриз, масабуру ам Къубадин лезгийрикай я лугьуз, пуд лугьудайбуруни амни хиналугъ Эмин лугьудай ашукь акадриз, чеб субут тежер бинесуз фикирар арадал акъудзава. М. М. Гь. Шииррин кӀватӀал туькӀуьрайдан патай ( 1941). Гила профессор Къ. М. Абдулкъадирова кӀарабдин мефт дегишаруниз талукь яз меслят къалурзавай цӀийи къайда менфятлу тирди субут хьанва. ЛГ, 2003, 13. ХӀ.