араб сущ.; -ди, -да; -ар, -ри,-ра 1) акунар. Са шумуд йикъалай и булахдал рекьяй физвай са кас атана ацукьна; суьрет акунмазди идалай ухьт алахьна. Ф. Гьуьлуьн руш. Картарикай вич я лачин, Гуьзел суьрет чар я вичин... Е. Э. Ваз маса яр хьана гуьзел. Зун аданни хъсан буй, хуш суьрет авай эгьли дишегьлидин арада физвай гьуьжетдин шагьид хьана. Т. А. Мехъер куьтягь тахьанмаз. 2) фотоаппаратдал янавай винел патан акунар. Адахлуди рушавай вичин чарчиз жаваб гун ва са суьрет ракъурун тӀалабзавай. Зелфиди суьрет гьасятда янай. А. А. Умуд. ПипӀерин суьретар алай ямахар кутунвай шалвардиз килигайла, дамахчийрин баш тирди аквазва. Т. А. Мехъер куьтягь тахьанмаз. Синоним: шикил. 3) лит. винел патан акунар ва руьгьдин истемишунар - санлай авайди. Лезгийрин прозада хъсан инсандин гзаф суьретар, мадни дуьз лагьайтӀа, гзаф тӀварар ава. А. А. Лезгийрин литература. Зи фикирдалди, адалай Агьмедан суьрет лап къешенгдиз къалуриз алакьнава. ЛГ, 2002, 15. V. Синоним: образ. 4) куьгь. копия. Са затӀ гьат тавурла гъилиз, Акъудич а дуван кьилиз, Кхьиз гуз суьрет, судуяр. С. С. Судуяр.
* суьрет чӀугун \[ягъун| гл., ни. нин-куьн винел патан акунар къелемдалди ва я махсус рангаралди чарчел кхьин. Рушакай пачагь хьайила, ида шикил чӀугвадайбурув, виликан рушан шикилдаваз, вичин еке са суьрет чӀугваз туна. И суьретни рекьин патав гвай са булахдал ягъиз туна Ф. Гьуьлуьн руш. Синоним: шикил чӀугун \[ягъун\].