араб, сущ. 1) -ини, - ина; -ер, -ери, -ера пудкъад минутда давам жезвай вахт. АкӀ я хьи заз, вири дуьнья Паярнава сергьятри, Заманаяр пай ийирвал Декьикьайри, сятери. А. С. Вилик жерге. Югъ ачух хьайидалай кьулухь пудкьуд сятинин къене варарихъ басабас чуькьвезвайбурун арада къах хьана акъвазун са зулум я... Т. А. Мехъер куьтягь тахьанмаз. Лезги поэзиядин межлис, залдал гагь шаиррин чӀаларин, гагь манидаррин манийрин ажайиб ван алаз, пуд сятинилай виниз давам хьана. "Самур" журн., 2003,.No23. 2) - ди, -да; -ер, -ери, -ера са тайин кӀвалах кьиле физвай вахт. Са сятдилай хьиз къари хтана, абур исятда къведа, - лагьана хабар гана. А. Ф. Газет. Сакьве сятдин къене ам куьтягь хьана. Хзанрин гуьгьуьлар хана, рикӀер тӀар хьана. А. Ф. Бубадин веси. \[Садикьбег\]. И къабандин рухваяр кьабанриз гьар юкъуз, гьар сятда, гьар декьикьада гьикьван акьулар, насигьатар гуда. Ж. Эфендиев. Азадвилин рекье. Алижан атунал вил алаз алим зур сятда, са сятда, кьве сятда кӀвале ацукьна. А. А. Лезгияр. Пака сятдин цӀудалай хьиз зи патав хъша. Я. Я. Са фурун вакӀар. Сятдин 5 далай алатайла муаллимар кьве-къвед, пуд-пуд экъечӀиз башламишна. М. С. Дуст. Пака къведа, кӀаш нисини тухуда за, Вуна гена заз кьведай сят къалурзава. Пакаман сятдин кӀуьдаз ам райондиз агакьна... Н. М. Буба. Сейфуллагь авай бригадади кӀвалах са зур сятдин вилик куьтягьна. С. М. ЦицӀигъ-наме. Гъалибвилин ва Ленинан комсомолдин тӀварунихъ галай паркара йикъан сятдин 11 -далай башламишна художественный коллективрин концертар кьиле фида. ЛГ, 2004, 26. VӀӀ. 3) - ини, -ина; -ер, -ери, -ера вахт алцумдай прибор, алат. Ам пакамдалди, Гъуьлуьн кьере ярх хьайи чкадал аламукьна. Адан гъилихъ сятни галамачир. З. Э. Рекьер сад туш. - Гьинавайди я-а-а, - жаваб гана Жамидина, сят алай гъил вилик акъажна, - эвел лугьун за квез, дугъриданни, за шурвадин дадни акурди туш... Амма як тӀуьна... А. Фет. Жамидиникай суьгьбетар. 4) мектебда кӀелзавай илимдин тарсар. - Пешекар школада тадач. Музыкантдив пенидин сятер вугудач. Ваз а ихтиярар ни гана? М. М. Лезги тӀвар алатӀа. ☼ 1964 - йисалай инихъ акъатай орфографиядин словардин изданийра сят гафунин актив падеждин эхир анжах са ( кил.: М. М. Г., Р. И. Г., У. А. М. ЛЧЮС, 1964- 2001) - ини яз къалурзава. 1955 - йисан словарда ( кил.: М. Г. ЛЧЮС, 1955) кьве жуьре ава: сятди, сятини. Чи фикирдай ва сят гаф ишлемишнавай текстери шагьидвалзавайвал, - ини вахт къалурзавай алатдиз талукь я, - да - 60 минутдин вахтуниз.
* хъсан сят хьурай (хьуй)!