фарс, прил. 1) цӀийи. Вичел алай таза либас. Е. Э. Гьуьруьдиз ухшар акуна. 2) михьивал, назиквал, цӀийивал гвай. \[Гегьвер\] - Къе, мажал авачиз, са кьве таза фу кьванни вегьез хьанач, мугьманриз са кьве таза фу тахьайтӀа, виже къведайд туш, гила-мад тини ишинна, хьрак фена, фу ийидай вахт амач... Гь. Гь. Адетдин къармахра. Акъалжзава шишерал КӀелен таза як. А. С. Хцихъ галаз ихтилит. Агатна вирида хъикьифар неда, Вергерик кутуна таза цирияр. С. К. Яран сувариз. 3) вичиз хас ери анжах башламишнавай. # ~ ниси, ~ руш. Антоним: баят.
* таза авун гл. ни вуч цӀийи авун, рикӀел хкун, Зи дердер намийир таза... С. С.
* таза аял сущ. дидедиз хьана лап тӀимил вахт алатнавай аял.
* таза жейран шиир, сущ. кӀанидаз лугьудай тарифдин ибара. ГьикӀда вакай, жейран таза? Е. Э. Акваз кӀан я.