|| ТАМАРЗЛУ туьрк. прил. кӀанивилин гьиссер авай; вил галай. КӀвачикай хайи чил хкатна, Сивикай - мили хъвер шадлу. Булутриз килигиз ама зун Элифдай ватандин кьилел, Дурна хьиз цаварихъ тамарзу, Лув хана аламай чилел. А. Ал. Булутриз килигиз... Мислимат къужахламишна, векьерал буьнжуькьарна севре хьиз тӀушунна, вичин къизмишвал рекьидалди лезет къачуна, ам гьамиша вичихъ тамарзлу ашнадиз элкъуьрна. Б. Гь Заз эвера. Я муаллим, - тамарзлу тегьерда лагьана ада, минет хьуй, идан чиниз килиг: Т. А. Мехъер куьтягь тахьанмаз.
* тамарзу (тамарзлу) хьун гл вил галаз хьун. Тамарзу я дуст акунихъ. Е. Э. Гъазанфераз. Фадлай, тамарзу яз вил алаз акъвазнавай чи кесиб халкьариз Советрин властдин тӀям чирун чарасуз я. А. И. Самур. Бязибуру ви намусдал хабарсуз, Хуш налук хьиз, намуссузвал вегьезва. Заз инсанар, кьизилдихъ хьиз, са юкъуз Намусдихьни тамарзлу жез кичӀезва. М. Б. Заз кичӀезва. Амма Алимкентдин жемят дагъда цӀийи там кутунихъ тамарзлу тир. А. А. Умуд. Жуван чӀалал рахадай касдихъ тамарзлу хьанвай ам рикӀик гъалаба кваз пенжердай килигиз ахцукьна. Н. М. Буба.