" сущ.; -ди, -да; -ар, -ри, -ра 1) тарцин, набататдин хилер галачиз амай пай. ЦӀегь таран дувулрив агалтна ацукьнавай, адан кьве бацӀиди таран тандал чамарарзавай. З. Гь. Ахварай авудай аваз. Багъда авай жегьил къелемрин танар гъайванри алаж тавун патал чарчелди кӀеви авуна. ЛГ, 2004, 16. ХӀӀ. 2) инсандин беден. Зи кьилелни алач, кӀвачелни. Тандал алайди метӀерал кьван яргъи, са шумуд чкадилай пинеяр янавай перем я. З. Р. Зи уьмуьрдин шикилар. Айна гъилик чемоданни кваз хтана. Адан кӀвачерал туфлияр, тандал тӀарам булушка алай. З. Э. Муькъвел гелер.