араб, сущ.; -уни, -уна; -ар, -ари, -ара 1) сада илимдин рекьяй чирвал гудай масада (масадбуру) а чирвал къачудай тайин вахтунда кьиле фидай мярекат. - Зун тарсарикай хкатда, зун гуьгъуьна амукьда, диде! Къ. М. Дуствилин цӀай. Бес школадиз физвай аял гьикӀ жеда? Ам чна тарсунихъай галуддани? 3. Э. Рамзият. Тарсарни башламиш хъувуртӀа, пис жедач. С. Ярагъви ашукь Уьзден. 2) илим чирун патал тайин кӀвалах. - И кӀвале гъвечӀи чӀавуз кьве стхани ксудай. Ина абуру тарсарни кӀелдай. З. Гь. Бубадин кӀвал. 3) куьч. хийирлу фикирар, къейдер. Урус чӀала гайи тарсар, зи хва, ви бубадин рикӀелай гьич садрани алатдач. А. С. Хцихъ галаз ихтилат.
* тарс гун гл., ни низ 1) илимдин чирвилер ахъаюн. Ассимиляциядин рекьер гзаф авай: лезгияр жавабдар къуллугърал тайин тийин, мектебра дидед чӀалалди тарсар тагун, радио, газет къадагъа авун, лезги аялар дидедиз хьайила документра чара миллет кхьин ва мсб. М. М. Лацу лекеяр. Гьа икӀ, акваз- акваз, хайи чӀалар терг жезва, рекьизва. Ихьтин татугай гьал арадал атунай нивай хабар кьада: тарс гузвай муаллимдивай, чӀал ахтармишзавай алимдивай ва я политикдивай? Х. Шайдабегова. Дидед чӀал чируниз артух фикир. 2) са. кар кьилиз акъудун патал сада масадаз герек тир гьерекатар лугьун. - Кьей хва, лагьана Къембера, вуна садра за кьван йикъар къазанмиша. Ахпа тарсар це. А. А. Лезгияр. - Ваз вуч аватӀа чидани, вуна заз тарсар гумир. Колхоздин председатель зун я. З. Э. Муькъвел гелер. \[Гьуьруьханум\]. – Ву- у, чи вилериз мад вуч аквада? Я гуж хьайиди, акӀ ятӀа, адаз тарс гузвайди вун я ман. Вай-гьарай, я гуж! З. Э. Гуьлзада. Ибур заз зи сифте пациент хьайи, чи халкьдин рикӀ алай шаир Хуьруьг Тагьира гайи тарсарикай я. А. Э. Шаирдин тарсар