араб, сущ.; -ди, -да; -яр. -йри, -йра сада масадаз ам тахсиркар яз гьисабна лугьудай гаф(ар). Дар жигъирни къузадизни гуьнедиз Паяй дуьнья, яб це вуна тегьнедиз; Сад ичкиди - ахмакь ялда - веремна, Сад акъудна - ариф ялда - чешнедиз. И. Гь. Рубаияр.
* тегьне авун \[ягъун\] гл., ни низ-квез наразивилин гафар лугьун. Дуьньядин крарикай шиир туькӀуьрдайлани, гьадан яшайишдиз талукь тир са затӀунин ва я кардин тариф ва я синих ийидайлани абур девлетлуйрин патай, гьабурун мецелай. кесибриз тегьне ийиз рахадай. М. М. Гь. ЧӀехи шаир. ТахьайтӀа вуч я кьван - датӀана Дуьньядиз тегьнеяр язава. М. Б. Шаирдин кьиникь.