гл., ни ву; -да; -на; -из, -зава; -а, -ин, -рай, -мир; тестикьар авун; тестикьар тавун; тестикьар тахвун, тестикьар хъийимир 1) гьакъикъат тирди лугьун. - Агьан... лугьуз за гьарданбир Алимегьамедан гафар тестикьарзавай. А. Ф. Бубадин веси. Рахазвай Асан акъваз хьана. Ада чилер зурзана, куьгьне кӀвалер уьцӀена лагьана фикирдай тестикьарна. З. Э. Муькъвел гелер. 2) шагьидвал авун. Сурхайханди дуьз лугьузва, -тестикьарна а паталай шамхал Элдера, - чун женгер чӀугваз сент чкадал акъвазнава. З. Р. Гьажи Давуд. Гьакъикъивилелди тестикьариз жеда хьи, бригадайра, фермайра тухвай собранийрилай ва бригадайрин Советар хкягъайдалай гуьгъуьниз неинки бригадиррин, звеноводрин жавабдарвал хкаж хьана, гьакӀ колхозчийрин патайни зегьметда активнивал артух хьана. А. Шагьмарданов. Майишатдиз регьбервал гуникай веревирдер. Переписдин сиягь 5 цицӀигъвиди туькӀуьрнава ва чпин къуларалди тестикьарнава. С.. Муслимов. ЦицӀигъ-наме. Синоним: тестикь авун. Антоним: инкарун.