фарс, прил. 1) вуч бейни элкъуьрдай. Абур, п \] апӀрусдин туьнт гум туькьуьниз, кӀвалериз хъфена. М. Гь. Гезентидин эхир. Чина сугъулвал гьатна, ада гила кьвед лагьай папӀрусдай туьнт гумар акъудзавай. М. В. Гьарасатдин майдандал. 2) вуж фад хъел къведай, тадиз вичин наразивал къалурдай. Амма, иллаки жегьил чӀавуз, ам гзаф туьнт итим тир. К. К. Шаирдин килфетар. ~ Я халу, вал садни хьуьрезваче, - лагьана Шихкерима. - Вун икьван туьнт кас вучиз я? М. Садикь. Дуст. 3) зарб. Яда, Къули! На туьнт макьам ядани. Ж. Эфендиев. Азадвилин рекье. КьепӀирви Гьажимурада эхиримжи тӀалабун яз туьнт лезги кьуьл авуна. С. Ярагъви ашукь Уьзден. 4) хъел квай. - Гъуьлуьз фейила, вун кьацӀал эцигдайди хьиз хьанайни ваз, - лагьана ада, чин чӀурна туьнт сесиналди. З. Э. Муьгьуьббатдин цӀелхем.
* туьнт макьам сущ. зарб квай макьам. Жегьилриз са туьнт макьам ягъ, устӀарар! Р.
* туьнт хьун гл. вуж хъел акатна векъи хьун. - Вуч хьана? - жузуна туьнт хьайи Вердиди. Асан сабурлу тир. З. Э. Муькъвел гелер. «ВучатӀани Сефер туьнт хьана хтанва», фикирна папа. 3. Э. Арифдиз ишара. - Акьван туьнт жемир, я кас. За ам ви тарс ахтармишиз ракъурайди туш. А. А. Умуд. – ГьикӀ вуч ава? - туьнт хьана Ахундов. - Ваз кьадир авач лугьуз, зунни ахмакь яни? М. Садикь. Дуст.... кьужа мадни туьнт хьана. М. В. Гьарасатдин майдандал.
* туьнт чай сущ. къалин, икьи, ранглу чай. Адан рикӀ туьнт чайдални шадвилерал гзаф алай... К. К. Суьгьбетзава Севила.