сущ.; -ди, -да; -яр, -йри, -йра сивиз къенепатай къведай харчи затӀ Синоним: цуькӀуьн.
* тфу авун \[вигьин, гун\] гл., ни низ-квез негь авунин лишан яз сивиз къенепатай къведай харчи затӀ нел-квел ятӀани вигьин. Куьчедин кьулай агъуз итимар, папар алтӀушна тфуяр вигьиз, кьилел къванер гьалчиз, юкьван буйдин, чӀулав парталар алай са дишегьли тухузвай. А. Ф. Лянет. Фицякьра за, валлагь, кимел алай са кьадарбуруз тфуярни кваз авуна. Са бутулка зегьер патал чпи чпин итимвилин дережа квадарна, ида адан, ада идан ратар къечезва. Н. М. Жандар Магъамай. Гьайиф вахъ галаз акъудай уьмуьр! - ада лап хъел кваз чилиз тфу гана, перемни юрфарал акьалжна, кӀваляй экъечӀна. З. Гь. Уьмуьрдин сирнав. Синоним: цуькӀуьн вегьин.