урус, сущ.; -ди, -да; -ар, -ри, -ра са кар кьилиз акъатунин ва я акъудунин гьеректда авай къайда. Учир къвез-къвез яргъи жезвай, амма зун... Зун гьатна рекье. А. Ал. Накьвар ва къара пулар. КӀвалахдилай хквезвай заз «Ислягьвал» туьквендихъ галай яргъи учир акуна. К., Л 988, 2. XӀ. Ваз учирда акъвазна кӀвалер къачудалди гьикьван йисар фидатӀа чидани? Учирда авайди са зи хтулни езне туша эхир. Ахьтин баятар низ чида мадни гьикьван аватӀа. М. В. Гьарасатдин майдандал. Синонимар: нупа, нубат.
* учир кьун гл., ни нихъ-квехь са кар кьилиз акъатунин ва я акъудунин гьерекатда авай къайдада чка тайинарун. Терездихъ учирар хъияхъ. ТА. Мехъер куьтягь тахьанмаз.
* учирда акъвазун гл., вуж са кар кьилиз акъатунин ва я акъудунин гьерекатда авай къайдада чка тайинарна акъвазун. Чинерал кьве гъед алай жегьил офицерди, учирда акъваз тавуна, бубадиз ишарадалди вичин гуьгъуьна аваз ша лагьана. Н. М. Буба.