сущ.; -ини, -ина; -ер, -ери, -ера сес галачиз сивяй акъуддай шуькӀуь ва кьакьан ван. НикӀин муькуь, инсанар гзаф кӀватӀ хьанвай кьилихъай уьфтинин ван атана. А. А. Лезгияр. Рамизни теспача я. Ада уьфтуьнай гутур-гутур авазрал илигнава... Т. А. Мехъер куьтягь тахьанмаз.
* уьфт ягъун гл., ни сивяй сес галачир шуькӀуь ва кьакьан ван акъудун. Са юкъуз ида халудин паб гъавурда туна, вич, чуьнгуьрни къачуна, ламрал акъахна, уьфт ягъиз-ягъиз булахдал фена. Ф. Халуни хтул. Ам балкӀандал алаз хуьквезвай. Дар уламдал агакьзавай. Асана адет тирвал уьфт яна сигнал гана. З. Э. Муькъвел гелер. Синоним: уьфтуьнал илигун.
* уьфтер агалдарун гл., ни нихъ са никай ятӀани ягьанатар авун. Кесибрал хъуьрез акъатна пӀузарар, Яргъалайни абурухь уьфтер агалдариз... А. Ф. КьатӀ-кьатӀ авур зунжурар.
* уьфтуьнал илигун гл., ни сивяй яргъалди сес галачир шуькӀуь ва кьакьан ван акъудун. Хелеф халуди уьфтуьнал илигнавай. А. Кь, Нехирбанни лекь. Синоним: уьфт ягъун.