туьрк, прил. адетдин гьалдилай фад арадиз атанвай, фад еке хьанвай. Фараш бацӀи хьиз къудгуниз хкадарзавай адан бурма цӀвелер, далудилай куьрснавай... З. Э. Булахдал. ВикӀегь чубанди ягьизвай уьфтер. Фараш кӀелери ийизвай кьуьлер. Дере-тепе дуьзмиш хьанвай цуькверив. З. Э. Рамзият.
* фараш авун гл., ни-куь вуч фараш гьалдиз гъун. Накь къвайи марфади акваз-акваз векьер фараш авуна.. Р. Синоним: фарашун.
* фараш хьун гл. хъсан еридиз атун (еке жедай затӀар). Рагъ акурла, фараш жедай цуькверай, Гьуьл хьиз гегъенш берекатлу никӀерай, Дарман патал ишлемишдай векьерай Сагърай, сагърай зи ватандин тӀебиат. Ш-Э. М. Сагърай ТӀебиат. Хъсан аявал ийизвай къелем фараш жеда. 3. Э. Кьве фронтдин командир. Хуьруьн кьилихъ галай магьсулар фараш тир. 3. Э. Булахдал. Жегьил багъдин гьални хъсанзава, вири къелемар фараш я. ЛГ, 2004, 26. VӀӀ.