( ФУРМА рах. ) урус, лит., сущ.; -ди, -да; -яр, -йри, -йра 1) винел патан акун(ар). Герек акӀ авуна кӀанда хьи,... ктӀай хуьруьн эвездал хьсан шегьердин формадин цӀийи хуьр расин, кӀелиз чирин. А. Ф. Риза. Фагьумнамаз вичин фурма, Каракул хъицикь я бурма. С. С. Куьре эгьлийриз. \[Мегьамедбег\]. Абурун дестедин старшияр вужар тир, гъихьтин фурмайрин тимар тиртӀа, суракь гьатначни ваз? Ж. Эфендиев. Азадвилин рекье. 2) фольклордин ва я литературадин эсер туькӀуьр хьунухь. Махар мана-метлебдин ва формадин рекьяй жуьреба-жуьре я. Н. А. Литературадин хрестоматия, 1966. Сулейманан азербайжан чӀалал туькӀуьрнавай шиирар чпин фврмадалди адан лезги шиирар хьтинбур я. М. М. Гь. (СтӀал Сулеймана азербайжан чӀалал туькӀуьрай шиирар. Сатира яшайишдин, инсанрин пис мурдар, эйбежер гьалар, сифетар дуьздал акъуддай ва абур тергун, пислемишун, абрун аксина женг чӀугун патал, абрукай ягьанат авунин, абурал хъуьруьнин формада туькӀуьрнавай произведенийриз лугьуда. М. М. Гь. ЧӀехи шаир. 3) инсанрин тайин кӀватӀалдиз хас партал. Комсомолрал а вахтара чпиз хас формадин парталар, пионеррални цӀийи кутугай чпин парталар ала... Зал комсомолдин формадин парталар ала, абур хьсан кьунва. Яру пайдахдал «ВЛКСМ». Къ. М. Экуь инсан. ГАИ-дин къуллугъчи Насруллагь, гзаф лацу чӀулар галай цӀийи формани алукӀна, машин гуьзлемишиз рекьел акъвазнавай. С. Муслимов. ЦицӀигъ-наме.