|| ( ХАСИЯТ ктаб ) араб, сущ.; -ди, -да; -ар, -ри, -ра жув тухунин, масадбурухъ галаз алакъа хьунухьин лишанар, кьетӀенвал. # ~ акатун, ~ хкатун, ~ хкудун; пис ~, чӀуру ~. Фад чидай чаз ви хасият. Бес я на чаз гай азият. Чаз герек туш ви насигьат, Вавди гумач чи авсият, Вун квахь, кьей куьгьне замана. С. С. Вун квахь, кьей куьгьне замана. Мифтягь, вак квайди вуч хасият я? Са кӀвалах ийидайла, тади къачумир, куьдра алцума, садра ятӀ. А. А. Пад хьайи рагъ. Вагьабаз Къудухан хесетар хьсандиз чизва. М. В. Гьарасатдин майдандал. А папарин хесетар гъихьтинбур тир, абурукай а хесетар гьикӀ хьана хкатнатӀа, ахъаюн лап яргъал фида. А. Муграгъви. Ажалдин хура. - Агъамет халу, вак шумуд хесет ква? Агъамет халуди жаваб гана: - Зи хесетар жемятди лугьурай, ви хесетар за лугьун. - Рази я зун, - жаваб гана а касди. - Вун ахмакь я. - Хесетар гьинай, ахмакьвал гьинай? - хъел атана рахана а кас. - Яни вак кьве хесет ква. - Гьибур я? - хъел яваш жез башламишна адан. - Сад лагьай хесет: ваз вун бегенмиш кас я. Къвед лагьай хесет: вуна вун виниз кьадай лавгъавал я. М. Ш. Нукьса нар. Синонимар: зат 2), къилих. * чӀур жедай хесет.