прил. гьамиша гьерекатда авай. Зун кьуд йисавай цицӀи аял тир. З. Р. Зи уьмуьрдин шикилар.
* цицӀи авун гл., ни-куь вуж гьамиша гьерекатда авай гьалдиз гъун. ПемпӀеш иесидин сесини, гатфарин къезил шагьварди хьиз, цицӀи ийизва... М. В. Гьарасатдин майдандал. Югъди ракьини ифирна, датӀана гьерекатдик кваз юргъун хьанвай хуьруьн куьчеяр, чуьллерай хтай суьруьйри, нехирри, няни, серин шавгьарди хьиз, цицӀи авуна. М. В. Гьарасатдин майдандал.
* цицӀи хьун гл., вуж-вуч йигин хьун. Советрин девирда Сулейманан шаирвал мадни цицӀи хьана. З. Э. ЧӀехи шаир. Звал акьалтна гьиссерал зи. На лугьуди, рагъ акьурла, И дуьнья хьиз жезва цицӀи. М. Алпан.