сущ.; -вади || -ди, -вада; -вар, -вари, -вара тӀалдин, секинсузвилин гьиссерин сес. Са рушан сив ахъайнач минетиз, Къванер яни - я суза, я цӀугь авач. А. С. Хцихъ галаз ихтилат. Ахпа вичин иви физвай гъилни цава кьуна, цӀугъ алахьиз варарай экъечӀна куьчедиз, чпин кӀвалерихъди катна. М. В. Гьарасатдин майдандал. Йифен са арадилай жегьил серкер ахварай аватайтӀа, япариз кьвезвайди фекьидин цӀугъдин ван я. ЛГ, 2004, 8.Ӏ.
* цӀугъ авун гл., ни-куь тӀалдин, секинсузвилин гьиссерин сес(ер) акъудун. Пакамахъ тевледиз фейи вакӀарбандиз цӀугъ ийиз къатканвай цӀуьрнуьгъ акуна. З. Э. Муькъвел гелер. Гишинвили кузвай гурцӀулри гьарда вичин сесиналди цӀугъ ийиз, гьеле алакь тийизвай «аварни» акъудиз подвалда са йикь-шуван туна. А. Исм. Эхиримжи къув. Йиф кьудалай алатна, къулавай цӀай хкахьна, михьиз жендек кьайи хьайи фекьиди цӀугъ ийиз башламишна. ЛГ, 2004, 8.Ӏ. Синоним: цӀугъун.