туьрк: * чамар авун рах., гл., ни-куь тади ва хкадарун квай камаралди вилик фин. ЯбатӀаяз диде вичин патав гумачирди акуна. Алай чкадал са шумудра инихъ-анихъ галтад хьана, адани дидедин гуьгъуьниз чамар авуна. А. Исм. Эхиримжи къув. Гуьгъуьнин кьил кьурбуру ван-сесни акъуд тийиз чамар ийизма, я цЬугъар акъудиз яргъарилай килигунар кьазва. А. Исм. Эхиримжи къув. Синонимар: зверун, чукурун, чамарда гьатун, чамарарун.
* чамарда гьатун гл. вуж-вуч тади ва хкадарун квай камаралди вилик фин. Ягъайди хьиз дидевилин къайгъуйрикай уях хьана, ада син галай патахъ вил вегьена, ахпа гурцӀул гьакӀ мез вегьеимаз туна ам чамарда гьатна. А. Исм. Эхиримжи къув. КачӀкӀачӀар хьтин гадаяр хуьряй чӀураз, чӀурай хуьруьз чамарда гьатна. К, 1985, 26. VӀӀ. Синонимар: зверун, чукурун, чамар авун.