сущ.; -ди, -да; -ар, -ри, -ра парталдин (пальтодин, пенжекдин, перемдин ва мсб) агъа кьатӀар. СикӀре, ченберар кьуна рушан, чӀугваз-чӀугваз акъудна гурарай виниз, дуьз кӀвализ. Ф. Гьяркьуь къалин уьтквем тир чин, кьери чуру, спелар, Ченбердив гьекъ михьна вичин, Бушна шаламд кьветелар. А. Ф. Зарбачи Гьасан. Кьведани кӀвачелай хтӀунна, ченберар къакъажна са-са вак щетка гуьцӀуьз чуьхуьзвай. З. Э. Муькъвел гелер. Синонимар: цен, этег.