фарс, прил. михьи тушир. # ~ гъилер, ~ парталар, ~ гьаят, ~ цлар. - Я севдуьгуьм, вакай халис тӀапӀахъан хьанва, вични чиркин тӀапӀахъан хьанва. З. Э. Арифдиз ишара, Британиядин алимрин фикирдалди, Европада жигеррин азарар гзаф хьунин себеб США-дай чиркин гьава атун я. ЛГ, 2004, 26. VӀӀ. Антоним: михьи.
* чиркин папан гъуьл буьркьуьз хъсан я мисал 'папан кимивилер гъуьлуьз акун хъсан туш' манадин мисал.
* чиркин хьун гл., вуж-вуч михьи тушир гьалдиз атун. А вядеда Тагьиеван ветегадал кӀвалах авун, адан казармайра яшамиш хьунухь зарафат тушир. Са суьруь инсанар са казармада авай; вири кьацӀана, чиркин хьана, нет акьалтна жедай. А. Ф. Бубадин веси. Дасмал гадарна. Ам чиркин тир. З. Э. Муьгьуьббатдин цӀелхем. "Чаз чизва, чина, Вгликобританиядани гъава чиркин жезва, амма, маса государствойрин таъсир гьикьван чӀехиди ятӀа, гьелелиг якъин туш", - къейдна Льюиса. ЛГ, 2004, 26. VӀӀ. Антоним: михьи хьун.