прил. никай-квекай ихтилат физватӀа, гьам авай чкадиз талукь. Советрин девир тир. Кьасум муаллимди чкадин "Зегьметдин пайдах" газетдиз сатирадин шиир акъудда. М. Гьажиев. Бес ам зун тир эхир! Ам (3. Эфевдиев. - А. Г.) 1919 - йисуз бубадихъ, малла Мегъамедахъ, галаз чкадин агьалийрикай пияда кьушун вичин гьукумдиз табийриз кӀан хьайи гарнизондиз акси къарагъна. И. Гь.... 1936-1956 - йисара лезгияр Азербайжандин чкадин халкь туширди субутиз кӀанз алахъна, чи кьилел гъайи мусибатрикай хабар авачир. М. М. Лацу лекеяр. Дугъриданни, яракьлу бандитрин къаст чкадин колхоздин мал тарашун, халкь рекьелай алудун тир. ЛГ, 2003, 25. ХӀӀ. * тӀач чуквадинди, свас чкадинди кӀанда. Антоним: патан.
* чкадин бюджет сущ. са гьукуматда кьилдинди тир республикадин, республикада кьилдинди тир райондин харжлух. Районрин ва шегьеррин администрацийри 2004 - йисан 1 -апрелдалди чкадин бюджетар тамамарунин вацран гьахъ-гьисабра, и распоряженидин 1 -пунктунихъ галаз кьадайвал, коммунальный игьтияжрин ( электроэнергиядин, газдин ) субсидияр гуниз серфнавай харжияр къалурин. ЛГ, 2004, 15. VӀӀ.
* чкадин наречие граммат., сущ. кар жезвай чка къалурдай гаф. Чкадин наречияр саки вири къалурунин тӀварцӀиэвезар я: ина, ана, атӀана, агъадихъ ва мсб. М. М. Гаджиев. Лезги чӀалан грамматика.
* чкадин падеж граммат., сущ. существительное рахунра дегиш хьайила, чка къалурдай манада авай формадин тӀвар. Лезги чӀала цӀемуьжуьд падеж ава. Абурукай кьуд падеждиз дибдин падежар лугьуда... Амай цукьуд падеждиз чкадин падежар лугьуда. М. М. Гаджиев. Лезги чӀалан грамматика.