сущ.; -ди, -да; -ар, -ри, -ра як, ниси, тӀвалкьал атӀун патал гьазурнавай хци мурз алай жибикда твадай гъвечӀи алат. Кимел хкат хьана ацукьнавай Вердиди кисна, чукӀулдалди туькъвелар ийизвай. З. Э. Муькъвел гелер. Акуна адаз нацӀун гуьзел тан. КьатӀна чукулдив туькӀуьрна кфил. А. Ал. НацӀ. - Маншаллагь, хтул, лап зулун кьар кьван авайди я, - лагьана, Жавата тумунихъ тӀасма галай еке чкӀул акъудна. Гь. М. Им къван, имни терез. Хьелчиди ашукь лишандик кутуна ва адал вичин чукӀул хьтин хци хьел ахъайна. З. Гь. Лезгийрин риваят. Саудовский Аравиядин Пачагьлугъди и уьлкведиз гъун кьадагъа авунвай шейэр ва товарар, гьа гьисабдай яз гъуьрчехъанвилин тфенгар, чукӀулар, хинжалар, турар, гьакӀни йифиз аквадай приборар гъунал кьадагъа алайди тестикьрзава. ЛГ, 2003, 13. XӀ.