\[ччуру\] сущ.; -ди, -да; -яр, -йри, -йра итимдин ченедални хъуькъверал жедай чӀар. Муьгьуьббатди лацу изва чуру, кьил... Е. Э. Яр гуьзел. Гъурбатда ваз "Я къураба" лагьайла, Вун итимдай такьаз вавди рахайла, Вилин накьвар чурудлайгъуз чкӀайла, Женнет ятӀан, рикӀиз лянет къведа, дуст. Е. Э. Ватандай катзавайбуруз. Сейке итим, чуру рехи, Рахадайла, гафар пехъи, Жедайд туш я чиниз регъуь, Адан инсанвилин гьал кьий. С. С. Темпел. Са шумуд йикъан чуру аламай адан хъуькъвяй чинал рех янавай къалин спелрал жанг ацукьнавай. У. Къемберов. Спелар куьрсарай хам.
* чуру тун \[тhу н \] гл., ни итимдин чинал жедай чӀарар алуд тавун. Мукьвабурукай сад кечмиш хьайила, чуру тада, мукьвабуруз шадвал хьайила, чуру твада. Р.
* чуру тун \[тту н \] гл., ни ни итимдин чинал жедай чӀарар махсус алатдалди алудун. Зун и фикирдал кӀевиз акъвазна ва, электробритвадал чуру туна, парталар алукӀна, куьчедиз экъечӀиз кӀанз рак ахъайнамаз, Ольгадин сес акъатна... А. М. Мурк ракьини цӀурурда. Гьамиша хьиз, къени ам, фад къарагъна, чуру тваз гатӀумна. Ш. Исаев. 3и фонарар.