* чуьнуьх авун гл., ни-куь вуч-вуж масадбуруз таквадай гьалда эцигун. Фад-фад кӀвализ хтана, ада вичин парталар фура чуьнуьх хъийида. Ф. Бибихатун. Синоним: кӀеви авун.
* чуьнуьх гумбатӀ || чуьнуьх-гумбатӀ || чуьнуьхгумбатӀ сущ.; -ди, -да; -ар, -ри, -ра 1) масадан затӀ чарабурухъай чинеба жуванди хьуриз алахъдайди. Чуьнуьхдайда чуьнуьхзава. Ахьтинбурузни чуьнуьхгумбатӀар лугьузва. К, 1988, 19. Х. Куьлуь шейэр чуьнуьхдайбуруз лезги чӀалал чуьнуьхгумбатӀ лугьуда. И. В. Чирхчир. Гьа инлай гуьгъуьниз Гъажагьмедакай - пешекар чуьнуьхгумбатӀ, папакайни адан вижевай алверчи хьана. А. Э. Девирдин «къуллугъ». \[Хибба\]. - Жибинда авай виш манатни акъуднавай хьтинди я! За а пул Дербендин чуьнуьхгумбатӀрив вугуз гъанвайди туш! Гьинва зи хъеме? Ф. Б. Филиал. 2) сад(бур) чуьнуьх хьана масада абур жагъуриз къугъунин тӀвар. Чун гзаф къугъвадай. Иллаки чуьнуьхгумбатӀар. А. А. Ирид цаварик Самурдин тӀвар. ☼ 1964 - йисалди орфографиядин норма чуьнуьхгумбатӀ ( кил.: М. Г. ЛЧЮС, 1955; Т. Б., М. Г. ЛРС, 1966), 1964 - йисалай 2000 йисалди чуьнуьх гумбатӀ ( кил.: М. М. Г., Р. И. Г., У. А. М. ЛЧЮС. 19641989), 2001 - йисалай чуьнуьхгумбатӀ ( кил.: М. М. Г., Р. И. Г., У. А. М. ЛЧЮС, 2001) кхьин дуьз яз кьабулнава. Кхьинра кьве вариантни гьалтзава. Чи фикирдалди, чуьнуьх гумбатӀ кхьинихъ делилар гзаф ава.
* чуьнуьх хьун гл., вуж масадбуруз таквадайвал акъвазун, масадбуруз таквадай гьалда хьун. Зун акурла игит фида женгиниз, Амма алчах чуьнуьх жеда серкӀвериз. А. С. Дишегьли. Кьилич тӀимил йикъара муьхце чуьнуьх хьана.. КӀвалин иесиди дарманар авуна хирер са бубат сагъарна. А. И. Къиргъин.