сущ.; -или, -иле; -илер. -илери, -илера 1) яшариз килигна чӀехиди тир гьал. Гьайваз адаз вичин чӀехивал къалуруниз мажбур хьанай; Заз вин гафар шит хьанва. Вуна къелет ийидач. Вун чи меслятдал рази жеда. Паб тагъана яшаммш жедайди туш, -атӀуз-атӀуз лугьузва Гьайваза вичин стхадин чинилай вилер алуд тийиз. М. В. Гьарасатдин майдандал. 2) са затӀунин размер чӀехиди тир гьал. Салан чӀехивал никӀинди тир. Р. 3) куьч. къуллугъдин винизвал. КӀвалин чӀехивал папав вугузни заз кӀанзавач, я ам масакӀа разини жезвач. Эхир, зани папа и гьуьжет референдумдалди гъялдай меслят хьана. Н. Шихнабиев. Референдум. 4) камаллувилин гьуьндуьрвал. Я сад Аллагь, шукур хьуй ви чӀехивилиз. И. Гь. Рубаияр. Дагъдин кьакьанвал яргъа мензилдай чир жеда лагьайвал, шейхерин шейх Мегьамедан чӀехивал, адан камаллувал мусурман уьлквейрин векилри къимет гайила чир хьана. С. Ярагъви ашукь Уьзден. гьуьрметдиз лайихлу агалкьунрин вини дережа. Синоним: гьайбатлувал.
* чӀехивал авун гл., ни 1) сад масадахъ галаз ам вичиз табий тир гьалда туна алакъаламиш хьун. Эгь, - лугьудай Магьмуда вичин кьезил гъил, хъвалахъ хьиз, метӀел гьалчна, - и девир гъахътинди я, далу галайбуру, жибинар дулу тирбуру амайбуруз чӀехивални ийизва, абурун гьисабдай чпин крар мадни виликни тухузва. А. Исм. Алукьдай ахвар. 2) жув чӀехиди тир гьал кьун. ЧӀехида чӀехивал авун кӀанда. Р.