сущ. -уни, ~уна, -ар, -ари, -ара нетижадихъ инанмиш тушир хиял. Чир жезамач ични чичак, Мус акъатдай инай чи шак? Са патахъай къведай Колчак Винел гьавалат хьана хьи. С. С. Гьуьруьят. Синоним: гиман.
* шак авун гл., ни делилар авачтӀани, жуван хиял тестикьариз алахъун. Хва балкӀандин патав агакьунал шак авур бубади адавай хабар кьада: - БалкӀан цӀилинал аламани, чан хва? С. Муслимов. ЦицӀигъ-наме. \[Али\]. За шак авунай, амма ихьтин месэла? Ф. Б. Филиал. Синоним: гиман авун.
* шак авач (алач) арал. гьелбетда Шак авач, захъ ашкъи гьава галукьна. Е. Э. Гуьзел яр. Я Илагьи, шак авач, Вун сад я хьи, Махлукьатаринди ваз ферьяд я хьи... Е. Э. Илагьи. А чӀавуз, шак алач, милли чӀаларалди акъудзавай газетрин эхир пехир жеда. ЛГ, 2004, 17. ӀӀ.
* шак алаз < хьун > тестикьардай фикир авай гьалда хьун. КичӀе жемир ваз, начагъзавай дуст, Сагъ хъжеда вун, алач инал шак. А. С. Хцихъ галаз ихтилат. Зи жаваб дуьзди туширдал шак аламачир. А. Къ. Нехирбанни лекь.
* шак алачиз нар. тестикьар фактар чарасуз тушиз. Гьелбет, ядай хва алукьич бубадал. Амма са кар шак алачиз якъин я: Чи кьисметдин буд алатай араба, ЧӀигъчӀигъ ийиз, элкъвезва са чкадал. Х. Х. «Чи чилив гва дегьзамандин рехивал». Йисарал гьалтайлани, Махачкьалади йисандавай къачузвай камар, шак алачиз, лишанлубур я. ЛГ, 2004, 15. VӀӀ. Синоним: шаксуз.
* шак атун гл., нин нел-квел игьтият авай гьал арадиз атун. Шак къвез кичӀела, кьулухъ элкъвез хьанач. Ф. Савдагардин папанни фекьидин кьиса. Амма адал шак атун, пак тир кӀанивили пияла ганвай Рамзиятан хиялдизни къвезвач. З. Э. Рамзият.
* шак гъун гл., нин нел-квел игьтият авай гьал арадиз гъун. Куь сувар, - лугьуда сикӀре, - ракъарин иеси атайла, жеда. Вуна и кардал гьич шак гъимир! Ф. Вахт тахьанмаз сив хкудай сикӀ. Дуьнья хьанва чин пад кӀаник, Мад шак гъидай кар амач хьи. С. С. Урусатдиз. Гзафбуру адан гафарин манадин михьивилел шак гъизвай. А. Къ. Нехирбанни лекь. Алавадани Шагь-Буба халуди карч квахьунал шак вичин хцел гьизвачир, А. Къ. Нехирбанни лекь.
* шак фин гл хьайи кардин тахсиркар са вуж-вуч ятӀани тирдал хиял фин. Эхирни икьван йисарилай гьалт хъувунин сагълугъдай, садан шакни тефирвал, мискӀинда са вишер хъвадайвал хьана. М. Б. ЦӀийи мискӀин. Виликдай рикӀяй Вагьабаз себ гайи хьиз, гила ада къуншидин шак тефидайвал вичивай хъел вахчузва. М. В. Гьарасатдин майдандал.