сущ.; ~ди, -да; -ар, -ри, -ра гуьгьуьлдиз, бедендиз тӀарвал хьуникди вилелай накъвар къвез-къвез акъуддай сесер. Зелфи шехьзавай; шелни лап адетдинди тир: чӀулав вилерлай булдиз накъвар авахьзавай, рикӀ хъуткъунзавай, ара-ара шехьунин ванни акъатзавай... А. А. Умуд. - Я диде, захъ галаз Агьмедни атанвайди ваз аквазвачни! - шел акъвазарна. А. И. Самур. ☼ 1964 - йисалди орфографиядин норма ишел ва шел тир ( кил.: М. М. Г. ЛЧЮС, 1955).
* шел атун гл. рикӀиз, бедендиз тӀарвал гудай кардикдин сивяй агьузардин сесер акъатиз вилерилай накъвар фидай гьалдиз атун. - Шад жеда зун эл атайла, Душманариз шел атайла... Е. Э. Къарийриз,
* шел-хвал сущ. 1) наразивилин, арзадин гафар-чӀалар. Эй, зи ашна, Гьажи Тагьир, види вуч шел-хвал хьана хьи.... Е. Э. Вирт квахьайдаз. Адан гьар са шиир са агьузар, са шел-хвал ва элкъвена вири чкайра авай зулумдал наразивал тир. М. М. Гь. Шииррин кӀватӀал туькӀуьрайдан патай (1941 ). Мукьва-кьилияр, къуни- къуншияр кӀватӀ хьана, шел-хвалин татугай межлис эгечӀна. И. В. Чирхчир. 2) дерди-гьал. Залай башкъа маса ярдиз Ви ахьтин шел-хвал авай кьван. Е. Э. Алдатмишай ярдиз.
* шел-хвал авун гл., ни 1) шехьун. Буба кечмиш хьайила, шел-хвал авур Сувар хуьруьз хъфеначир. А. И. Самур. 2) дерди-гьал авун. Къагьриман мет-кьил гатаз, шел-хвал ийиз, гъуьрчезни техфиз, чин кӀаникна ярхар хьана, ясда гьатна. Ф. Кесибдин хва Къагьриман. Етим Эмин, лагь на са чӀал, Минетдалди, ийиз шел-хвал... Е. Э. Ваз маса яр хьана, гуьзел. 3) ийизвай ихтилатдалди наразивал къалурун. Синоним: шел- хвалун.
* шел-хвалун гл. язух къведай гьалда са никай ва я квекай ятӀани арзе авун. КилигайтӀа, ~ шелиз- хвализ, яз агьузар я, дугъриси. Е. Э. Дугъриси. Шел-хвалун я заз амайди, ви чкадал заз регъуьзва. М. М. Им вуч регъв я? Синоним: шел-хвал авун.
* шел-шуван сущ. гуьгьуьлдиз, руьгьдиз, бедендиз тӀарвал хьуникди вилелай накъвар къвез-къвез акъуддай сесер. Рагъ акӀидай патан цавара гумар гьатнавай, чилера цӀаяр, Катрамаканда лагьайтӀа, мекьни каш, шел-шуванар, хажалатар, магьрумвилер... Р. Гь. Зи Ирид стха.