сущ.; -ди, -да; -ар, -ри, -ра 1) парталдин (пальтодин, пенжекдин, перемдин ва мсб) агъа кьатӀар. Са-садбуру юкь какур авурла кӀвачерик акат тавун патал, булушкадин этег хкажнавай. А. А. Лезгияр. Са гъилив ви этег кьуна мягькемдиз. Муькуь гъилив кьуна этег дидедин, чӀехи хьана... А. Ал. Шалбуз дагъ. 2) дагъдин, тепедин кӀан галай патан чка(яр). Лацу цуьквери басмишнавай, дагъдин хъендик квай этегда живедин маргъалар авайди хьиз аквазвай. З. Э. Булахдал. Вич гъвечӀи яз, чӀехи тир руьгь Авачни бес туьтегда. Гьеле вичел пехилрай Нуьгь -Хеб чкӀанвай этегда. Т. А. Таб я... Синоним: цен.