гл., ни вуж-вуч; -да, -на; -из, -зава; -0 || - а, -ин, -рай, -мир; эх авун, эх тавун, эх тахвун, эх хъийимир жуваз акси четин гьалдиз, амалриз талукь гьерекатар тавуна кьабулун. Гьикьван эхда на, зи уьлкве, Гьикьван кьабулда на гуьлле? С. С. Урусатдиз. Вузда кӀелдай вядеда Эхдачир на тапарар. А. С. Кьуд цӀар -кьуд сим чуьнгуьрдин. Эхиз чида, ракъини кудайла, Чуьнуьх жеда авайла чайгъунар. Бирдан гъиле гьатна лаш гудайла, Акъудда са виш жуьре уюнар. А. С. ВетӀер. Вири эхдай, рахунрал эслагь рикӀ алачир Аваданавай и сеферда. Тепедин гафар эхи ийиз хъхьанач. Гь. М. Хуьруьн муьфтехуьр. Ада бедбахт авур гзаф рушари и русвагьчивал эхиз тахьана минарадин балхундилай вацӀуз гадарна телефна. А. И. Къиргъин. Чи накьвадиз, чи девлетдиз нетӀешри кӀур гун, чун икӀ вара-зара авун чна эхдач. Гь. Къ. Четин бахт. Эхиз жезмач хьи, икьван усал хьун... М. Ж. Меслят ийиз зи патав ша. - Кьве йис эх хъия, чан бала, вун чӀехи классриз акъатрай. Ахпа дидеди вазни мектебдин тарсар гуда. Гь. Къ. Магьини Дилбер. Синонимар: дурум гун, къатламишун, эхи авун.